ریاست بھر میں بلدی انتخابات کا آغاز ۔پر امن پولنگ جاری

حیدرآباد۔30۔مارچ (اعتماد نیوز)ریاست بھر میں پولنگ کا پر امن آغاز عمل میں آیا۔ چنانچہ ریاستی الیشکن کمیشن کے کمشنر رما کانت ریڈی کے مطابق تاحال 25%پولنگ عمل میں آیا۔ ریاست کے چند اضلاع جیسے اننت پورم ‘کرنول اور دیگر رائل سیما کے اضلاع میں چند نا خوش گوار واقعات دیکھنے میں آئے۔ جب کہ دیگر اضلاع میں



پولنگ مشینوں میں خرابی پائی جانے پر پولنگ کو تھوڑی دیر کے لئے روک دیا گیا۔ اور بعض جگہ پولیس نے حالات کو بگاڑنے کی کوشش کرنے والے افراد کے خلاف کاروائی کرتے ہوئے گرفتار کر لیا۔ چنانچہ ریاست کے 3,630 انتخابی مراکز میں کیمروں کو نصب کیا گیا۔اور آج پر امن پولنگ کے لئے 16مختلف فوجی دستوں کو ریاست بھر میں متعین کیا گیا۔